ԴԱՇՆԱՄՈՒՐԱՅԻՆ ՇԱՐՔ. Լաուրա Ֆառե Ռոսադա (Իսպանիա)

Դասախոսություն երաժշտության և մաթեմատիկայի մասին

Երաժշտությունը մաթեմատիկայի ամենաինտուիտիվ դրսևորումներից մեկն է։ Սակայն, չնայած այս երկու գիտակարգերի միջև առկա բազմաթիվ կապերի նկատմամբ աճող հետաքրքրությանը, դրանք հազվադեպ են ներկայացվում մանրամասն և հասկանալի կերպով։

Եթե դիտարկենք այն ոլորտները, որտեղ երաժշտությունն ու մաթեմատիկան հատվում են, կարող ենք առանձնացնել երեք հիմնական ուղղություն։ Նախ՝ մաթեմատիկան երաժշտության հիմքերից մեկն է։ Երկրորդ՝ այն կարևոր դեր ունի երաժշտական փորձառության հոգեբանական բաղադրիչի և դրա հետ կապված ճանաչողական գործընթացների ձևավորման մեջ։ Եվ վերջապես, երրորդ ուղղությունը մաթեմատիկայի կիրառումն է որպես ստեղծագործական գործիք։

Այս դասախոսության ընթացքում կատալոնացի երաժիշտ և մաթեմատիկոս Լաուրա Ֆառե Ռոսադայի մեկնաբանությամբ կբացահայտենք և կվերապրենք այդ զարմանահրաշ կապերից մի քանիսը՝ ուսումնասիրելով, թե ինչպես են երաժշտությունն ու մաթեմատիկան փոխլրացնում և հարստացնում միմյանց։