9 Օգոստոս 19:00
Հինգ ճանապարհ։ Հինգ պատմություն։ Մեկ լեզու՝ ջազ։
The Sidewalk Five-ը միավորում է հինգ երաժիշտների, որոնց ստեղծագործական ուղիները միավորվում են մեկ գեղարվեստական գաղափարի շուրջ։ Երեկոյի ընթացքում կհնչեն հեղինակային ստեղծագործություններ, որոնցում ավանդույթն ու իմպրովիզացիան միահյուսվում են՝ ստեղծելով վառ և ինքնատիպ ջազային երկխոսություն։
Երեկոյի հատուկ հյուրն է ճանաչված կիթառահար և կոմպոզիտոր Սերգեյ Չաշկինը՝ Իսրայելի «Ռիմոն» ջազի և ժամանակակից երաժշտության դպրոցի և ԱՄՆ-ի Բերքլիի երաժշտական քոլեջի շրջանավարտ, միջազգային հեղինակավոր ջազային մրցույթների դափնեկիր, երաժիշտ, որը ելույթ է ունեցել Բրենֆորդ Մարսալիսի, Դիդիե Լոքվուդի, Քևին Մահոգանիի և այլ աշխարհահռչակ արտիստների հետ։
Երաժշտական վարպետությամբ, ստեղծագործական ազատությամբ և իմպրովիզացիայի ոգով լի այս երեկոն ֆիլհարմոնիայի հանդիսատեսին կհրավիրի ճամփորդության, դեպի ժամանակակից ջազի անզուգական աշխարհը։
• Սերգեյ Չաշկին՝ կիթառ
• Դավիթ Պետրոսյան՝ սաքսոֆոն
• Ռաֆայել Պետրոսյան՝ դաշնամուր
• Միխայիլ Ֆոմինիխ՝ կոնտրաբաս
• Հերբերտ Առուստամյան՝ հարվածայիններ
Տոմսերի արժեքը՝ 3,000 – 5,000 դրամ
4 Օգոստոս 19:00
16 Հոկտեմբեր 19:30