26 լեզուներով թարգմանված Չարենցը միշտ նորովի բացահայտման տեղ ունի:
•Ապրիլի 16-ին, ժամը 19։00-ին «Առնո Բաբաջանյան» համերգասրահի Ներքնահարկում կներկայացվի Եղիշե Չարենցի «Դանթեական առասպելի» իտալերեն նոր թարգմանությունը։
Հայ-իտալական համագործակցությամբ իրականացված և Չարենցի ծննդյան 125-ամյակին նվիրված այս նոր երկլեզու ժողովածուի լույսընծայումը հնարավոր է դարձել «Ակտուալ արվեստ» հրատարակչության և «Pontem Armeniae» թարգմանչական գրասենյակի համատեղ ջանքերի շնորհիվ։
Հրատարակությունը ներառում է նաև Չարենցի այլ բանաստեղծությունների թարգմանություններ:
Երեկոյի ընթացքում նախատեսվում է զրույց նախաձեռնության հեղինակ թարգմանիչների հետ, զուգադրական ընթերցումներ, ինչպես նաև աշխատանքի հակիրճ թարգմանաբանական վերլուծություն։
• Մուտքը՝ հրավիրատոմսերով
Տեղեկությունների համար՝ 010 569554
