ՖԱԲՈՒԼԱ | լուսանկարչական ցուցահանդես և հնչյունային ինստալացիա

• ՆԵՐՔՆԱՀԱՐԿ
• Լուսանկարչական ցուցահանդես | Մանե Հովհաննիսյան
• Հնչյունային ինստալացիա | theatrum phonosophicum

ՖԱԲՈՒԼԱ-ի հիմքում ընկած է մարդկանց, առարկաների և վայրերի փոխհարաբերությունները ցույց տալու ցանկությունը: Լուսանկարչի համար առավել հետաքրքրություն են ներկայացնում այն պահերը, երբ թվում է թե, մարդիկ դառնում են տոտեմ, իսկ առարկաները շնչավորվում են: Դա այն է, ինչ նա անվանում է «մոգական վավերագրություն»:

Լուսանկարչական շարքը իրականացվել է 2017-2019թթ.-ին երկու տարբեր վայրերում. առաջինը դա Շուշան Հյուսնունցի և Լեոպոլդո Սիանոյի (ՖԱԲՈՒԼԱ-ի կերպարներ) բնակարանն էր գերմանական Քյուրտեն գյուղում՝ Ռայնլանդի անտառներում: Երկրորդը կինոգետ Շագա Յուզբաշյանի լեգենդար բնակարանն է Երևանում, որտեղ զույգը առիթ էր ունեցել որոշ ժամանակ բնակվելու:

Շարքի վիզուալ կերպարները մարմնավորելուց բացի , Շուշան Հյուսնունցը և Լեոպոլդո Սիանոն (Մանե Հովհաննիսյանի լուռ ու գաղտնի հանցակիցները), ովքեր նաև theatrum phonosophicum-ի հիմնադիրներն են, ստեղծել են հնչյունային ինստալացիա հատուկ այս ցուցահանդեսի համար: Այն հիմնված է տեղհատուկ ձայնագրությունների վրա, որոնք իրականացվել են նշված երկու բնակարաններում: Արդյունքում ստացվել է երկու ակուստիկ տարածքների, երկու տարբեր «իրականությունների» շերտավորում, որը լսելի կլինի ցուցահանդեսի տևողության ողջ ընթացքում:

• Ազդագրերի ձևավորում՝ Նուշ Պետրոսյան