ՀՈՓԿԻՆՍՈՆ ՍՄԻԹ

 Մարտ 30 (շաբաթ), 19։00
 «Առնո Բաբաջանյան» համերգասրահ

ՀՈՓԿԻՆՍՈՆ ՍՄԻԹ
(ԱՄՆ / Շվեյցարիա)

Լյուտնյայի հանրահայտ վարպետը բացառիկ համերգով հանդես կգա Երևանում։

Բազում երաժշտական մրցանակների դափնեկիր Հոփկինսոն Սմիթը միջազգային շրջանակներում լայն ճանաչում է ձեռք բերել Վերածննդի և Բարոկկո ժամանակաշրջանների երաժշտության իր վիրտուոզ մեկնաբանությունների շնորհիվ:

Սմիթի անզուգական վարպետությունն ամենաբարձր գնահատականին է արժանացել համաշխարհային հեղինակավոր հրատարակությունների և քննադատների կողմից: San Francisco Chronicle-ը վերջինս ճանաչել է որպես «աշխարհի լավագույն լյուտնիստ», իսկ Gramophone պարբերականն անվանել «լյուտնյայի բանաստեղծ»:

Երաժշտի երևանյան համերգը հավակնում է մի անմոռանալի երաժշտական իրադարձություն դառնալ։ Այդ երեկո «Առնո Բաբաջանյան» համերգասրահի հանդիսատեսը մտովին կտեղափոխվի Վերածննդի և Բարոկկո դարաշրջանների բարձրարվեստ և տպավորիչ աշխարհ:

Հոփկինսոն Սմիթը խարիզմատիկ կատարումներով և խորը երաժշտական արտահայտչականությամբ ունկնդիրներին կներկայացնի 16-17-րդ դարերի անգլիական և իտալական երաժշտության բացառիկ նմուշներ։

Համերգը եզակի հնարավորություն է երաժշտասերների համար կենդանի կատարմամբ ունկնդրելու մեր ժամանակների ամենանշանավոր լյութահարներից մեկին:

 Տոմսերը վաճառվում են «Առնո Բաբաջանյան» համերգասրահի տոմսարկղում (Աբովյան 2)

 Տոմսերի արժեքը՝ 2000-5000 դր․
 Հավելյալ տեղեկությունների և ամրագրման համար կարող եք զանգահարել 098 881717 հեռախոսահամարով։

Համերգն իրականացվում է Հայաստանում Շվեյցարիայի դեսպանության հետ համագործակցությամբ:

Հայաստանի պետական ֆիլհարմոնիա