1938 թվականին Շարա Տալյանի ղեկավարությամբ ստեղծված Սայաթ Նովայի անվան Գուսանական երգերի պետական վաստակավոր անսամբլի գործունեության ավարտից` 1969 թվականից 14 տարի անց` 1983 թվականին, վերը նշված անսամբլի հաստիքների հիման վրա, որպես իրավահաջորդ, Հայհամերգ միավորման տնօրեն Գեորգի Ասատրյանի նախաձեռնությամբ ստեղծվել է Հայաստանի Գուսանական և ժողովրդական երգի պետական անսամբլը` գեղ. ղեկավար արվեստի վաստակավոր գործիչ, պրոֆեսոր, կոմպոզիտոր Ռուբեն Ալթունյանի և տնօրեն ու դիրիժոր, պրոֆեսոր Հրաչ Նազարյանի ջանքերով՝ ավելացված կազմով ու նվագարաններով, ոչ ունիսոն նվագակցությամբ, նորացված ծրագրով (հայկական ծիսական հանդեսներ՝ հարսանիք, նավասարդ, ջանգյուլում և այլն)։ Տարիներ անց անսամբլի գեղարվեստական ղեկավարի դերը ստանձնել է ՀՀ Արվեստի վաստակավոր գործիչ, կոմպոզիտոր Գևորգ Մանասյանը։ Անսամբլը կազմավորման 30- ամյակի կապակցությամբ արժանացել է ՀՀ Մշակույթի նախարարության բարձրագույն պարգև ոսկե մեդալի։ Հաշվի առնելով այն փաստը, որ Հայաստանի Գուսանական և ժողովրդական երգի պետական անսամբլը 1938 թվականին ստեղծված անսամբլի իրավահաջորդն է, ստացվում է , որ այն ոչ թե 36, այլ 82 տարեկան է և կրում է «Վաստակավոր կոլեկտիվ» պատվավոր կոչումը։

Կառավարության որոշմամբ` 2019 թվականից Գուսանական և ժողովրդական երգի պետական անսամբլը գործում է Հայաստանի պետական ֆիլհարմոնիայի կազմում է: