Համշենի ձայնը

Նոյեմբերի 15-ին, ժամը՝ 19:00-ին, Հայաստանի պետական ֆիլհարմոնիայի «Առնո Բաբաջանյան» համերգասրահում տեղի կունենա «Համշենի ձայնը» խորագիրը կրող, համշենցի երգիչ Գյոքան Բիրբենի համերգը: 🎤🎼✅Մուտքը` հրավիրատոմսերով:✅Հասցե՝ Աբովյան 2Հոլովակում օգտագործված Համշենի տեսարանները վերցված են Լուսինե Սահակյանի «Համշենը անցյալի և ներկայի խաչմերուկներում» ֆիլմից։Նախապես տեղեր ամրագրելու և հրավիրատոմս ստանալու համար զանգահարեք 📳 091 55 04 11 հեռախոսահամարով:✅✅✅Համշենցի ճանաչված երգիչ Գյոքան Բիրբենը ծնվել է Ռիզեի նահանգի Փազարի գավառի Խաչափիթ գյուղում։ Փոքր հասակում իր մորից լսել է Համշենի երգեր, որոնք մնացել են նրա հիշողության մեջ։ Դեռ դպրոցում ուսուցիչները, հիանալով նրա երգելու ունակությամբ, հաճախ էին նրան խնդրում երգել դպրոցական միջոցառումների ժամանակ։ Գյոքան Բիրբենի ձայնը կարծես ստեղծված էր համշենցիների երգեր երգելու համար, քանի որ այն հրաշալիորեն ներդաշնակվում էր պարկապզուկի և քեմենչեի նվագակցությանը։ Այս տարիների ընթացքում Գյոքան Բիրբենը դարձավ հայտնի և սիրված երգիչ։ Նրա երգերով տարբեր տարիներին թողարկվել է հինգ խտասկավառակ, որոնցում Սևծովյան տարածաշրջանի ժողովուրդների երգերի հետ տեղ են գտել նաև Համշենի բարբառով եզակի երգեր։ Գյոքան Բիրբենը թուրրքախոս և առհասարակ Թուրքիայի համշենցիների մեջ առաջինն էր, որը 2003-ին երգեց Համշենի բարբառով։Երևանյան համերգի ժամանակ նրան նվագակցելու են Սևծովյան տարածաշրջանի՝ պարկապզուկի և քեմենչեի լավագույն նվագողները։

Geplaatst door Հայաստանի պետական ֆիլհարմոնիա op Vrijdag 8 november 2019